15 студзеня спецыялісты дзіцячага цэнтра культуры “Расток” адправіліся ў калядную вандроўку ў дзіцячы садок № 9, каб пазнаёміць дзетак з традыцыямі святкавання Калядаў на Беларусі.
Калядны гурт на чале з Зорканошай, Казой, Пеўнем, Мядзведзем, Буслом добра ўсіх пацешыў.
Дзеці з задавальненнем гулялі, жартавалі, скакалі разам з Козачкай, ладзілі аркестр шумавых інструментаў.
Гаспадар падымаў настрой усім прысутным цудоўнай ігрой на гармоніку. Адным словам, было весела!
Калядныя сустрэчы прыйшліся ўсім дарэчы!